აზროვნების აკადემიის ბაღში დიდი ყურადღება ეთმობა მეტყველების გაკვეთილებს, რადგან ბავშვის განვითარებაში მნიშვნელოვანი როლი სწორედ მეტყველების კომპონენტს უჭირავს.
თითოეულ ბავშვს განვითარების ინდივიდუალური ტემპი აქვს. მზრუნველი, უსაფრთხო და მოსიყვარულე გარემოს გარდა, მნიშვნელოვანია ვერბალური კომუნიკაცია.
მეტყველება და აზროვნება მჭიდროდ არის დაკავშირებული ერთმანეთთან. თავად მეტყველება გულისხმობს სიტყვების წარმოთქმას, ხმის ტემბრს, მეტყველების რიტმს და არტიკულაციას.
მეტყველება ის უნარია, რომლის საშუალებით ბავშვი გამოთქვამს აზრს, ფიქრს, შეხედულებას და დამოკიდებულებას.
მეტყველების გაკვეთილებზე პატარებთან ვმუშაობთ ლექსიკის გამდიდრებაზე, რეცეპტული და ექსპრესიული მეტყველების ჩამოყალიბებაზე, ბგერების სწორად წარმოთქმაზე, რიტმული ჩანართები კი, სახალისოს ხდის პროცესს.